San Barbola – Diahuebs merdia den careda di 2’or a sosode un accidente basta serio den un bocht situa na San Barbola.
Polis y ambulance a wordo pidi cu urgencia, pa un Chevrolet Spark cu a dal duro contra muraya di un cas.
Velocidad halto posiblemente a causa cu e dama na stuur di e Spark no por a controla e vehiculo, causando cu ela bay dal contra cura di un cas.
Den e impacto e dama a haya golpi fuerte na cabes ora cu ela dal su cabes contra un hero den e auto.
Segun nos a compronde e dama no tawata tin seatbelt bisti.
Habitantenan cu a scucha e zonido duro a core sali pa mira ta kiko a pasa, y ta bin topa cu e auto accidenta.
E dama tawata drumi ariba e stuur cu sangramento pisa na su cabes.
A keda papia cune te ora ambulance a yega
Na yegada di Ambulance e Paramediconan a stabilise y despues sali cune direccion Hospital.
