Green Corridor – Diaranson anochi poco pariba di Young Fellow ariba Green Corridor a sosode un accidente, unda un señora a bolter cu auto.
Tawata den careda di 7’or anochi cu polisnan a bay poco pura ariba Green Corridor, unda un auto a bolter y lo tin hende pega den e auto.
Na yegada di prome patruya di polis nan a constata cu no tin hende herida.
Na prome instante a papia cu dos mucha a logra sali, pero cu ainda nan mama lo tawata den e auto.
Danki Dios esey no tawata e caso.
Loke a sosode tawata cu e Toyota Rav4 tawata bayendo direccion Oranjestad, ora ela bay hala pa pasa of tawata pasando un Toyata Altezza a haya ta bon pa cera su pasada.
Esaki a pone cu e señora na stuur di e Rav a mester a maniobra, y ta kita na su man robes pasa over di e tera memey y kentel.
Pues danki Dios cu no tawata tin trafico cerca, sino lo tawata un accidente grandi y serio.
E Toyota Altezza asocial no tawata tin e desencia di a para of bay bira pa mira kiko a pasa.
A pidi ambulance pa e controla e dama, pero na yegada e dama a bisanan cu e ta ok y ta sinti su mes bon. E momento ey nan a sigui nan caminda.