141
Amsterdam, Nederland – Samira Rafaela, candidata #3 di D66 (Lista #1)pa Parlamento Europeo, a bishita e islanan Aruba, Korsou y Boneiro durante di su campaña. Cu su bishita e la enfoca e importancia pa por vocifera e interes di e islanan Caribense cu ta parti di Reino den Parlamento Europeo. Como cu e islanan tin derecho ariba fondonan cu por duna sosten na maneho di medio ambiente, proteccion di naturalesa, bienestar di asuntonan social, educacion y mantecion di cultura. Ademas como cu un ciudadano cu pasport Hulandes tambe ta ciudadano di Union Europeo y esaki tambe ta trese derechonan cu ne.Rafaela: “Durante mi bishita mi por a conbersa cu diferente persona, mandatario, medionan, organisaion y instancianan cu ta indica cu nan tin necesidad pa sa mas di Union Europeo. Importante pa inverti den e añanan venidero den e consientisacion di hende tocante Union Europeo.” Tambe si Samira wordo eligi como miembro di Parlamento Europeo e ta enfatisa: “Mi lo percura pa regresa na e islanan pa mi por keda visibel y fungi como un embahador di e islanan na Parlamento Europeo.“Alabes mi kier a gradici publicamente tur hende pa nan sosten y apoyo. Mi ta orguyoso di por forma parti di un generacion nobo di politiconan cu lo traha pa generacion prome cu nos y tambe e generacion nobo.”
