Home » Aruba su Caribbean Sea Jazz Festival ta keda cancela pa 2019

Aruba su Caribbean Sea Jazz Festival ta keda cancela pa 2019

by Admin
0 comment 65 views

 

 

Erik Eman y e organisacion di Caribbean Sea Jazz Festival a anuncia desafortunadamente e cancelacion di e aña aki di e conciertonan popular den September. Eman a comparti e noticia aki cu amigonan, crew, artistanan, sponsornan, boluntarionan y bishitantenan anterior di Caribbean Sea Jazz Festival.

 

E organisacion tabata den e proseso di traha e alineacion di e program di e aña aki, solicitando subsidio anual di su partnernan di mercadeo manera Aruba Airport Authority, Tropical Bottling, Renaissance Aruba Resort, Divi Resorts y varios otro entidadnan generoso na momento cu e noticia a bin dilanti cu  Aruba Tourism Authority, no lo duna su apoyo financiero como e sponsor principal. E solicitud di subsidio presenta pa Caribbean Sea Jazz Festival ta e mesun cantidad cu aña pasa, pero desafortunadamente pa 2019 no a acredita e sponsor aki.

 

Faltando tiki tempo te cu September, e plan pa explora otro opcionnan no ta suficiente y e organisacion no tin otro opcionnan pa cancela cual lo ta e di 13 edicion di e evento aki.

 

Caribbean Sea Jazz Festival ta un di e festival local mas largo organisa na Aruba. E ta conta cu sosten di musiconan local y a duna nan oportunidadnan pa tin show riba nivel internacional den colaboracion cu artistanan mundial y renombra. E difusion educativo di e festival introduci na scolna di Aruba diferente tipo di musica, Jazz, y instrumentonan nobo cu nunca nan a mira.

 

E festival tabata creciendo den e ultimo añanan, specialmente desde cu a move p’e area di Renaissance Marketplace, y e deseo di Eman ta pa garantisa e reputacion di e evento na Aruba y den exterior, a convence cu minimalisa e evento pa 2019 no ta un opcion bon.

 

Deseando di mantene su forma original y nivel di entrega di e organisacion, a dicidi di suspende e festival e aña aki y enfoca completamente p’e edicion 2020.

 

Bisando esey, e organisacion ainda tin e intencion pa produci versionnan mas chikito di e evento den cooperacion cu partnernan leal pa no decepciona e fanatico di musica. Admeas, un plataforma mas chikito lo sirbi como stage ora cu e Universidad di Berkeley bishita e isla pa scout, cu tin gana di conoce musiconan di Aruba, practicando nan talento dilanti un publico en bibo.

 

Eman, kende a traha duro durante e ultimo 12 añanan, ta considera cu esaki ta un obstaculo den caminda. E ta positivo cu eventualmente lo reconoce e contribucion cultural di e evento y beneficionan “civic” mas aya cu e rendimento di e inversion.

 

Musica ta parti di nos cultura y cu e adicion di jazz na su repertorio reproduci riba nos isla, ta haci One Happy Island mas feliz.

 

Ta en espera cu interes pa un festival chikito di “jazzy”, e “Casibari Music Festival” na Casibari Music Cafe dianan 20 y 21 di September. Asina ta keda pendiente.

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio