53
Ponton – Diaranson atardi polis a bay a un accidente entre un Scooter y un Ford SUV. Algun hende a tende in klap duro ora e accidente a sosode.
Tawata algo pasa di 3:30 p.m cu e accidente aki a sosode panort di WEMA na Ponton.
Segun nos a compronde e Scooter tawata bayendo direccion Tanki Flip.
Pa un of otro motibo e motociclista no a pone atencion cu e Ford tawata birando na su man robes.
Segun e motociclista tawata tin un fila, y ela bay pasa na banda y diripiente e chauffeur di e Ford a bay bira na su man robes. Esaki a causa cu e Scooter a dal contra e auto na e banda di chauffeur.
E motociclista a resulta herida na su rudia, ambulance a wordo avisa pa dune asistencia medico.