Home » PREMIER EVELYN WEVER-CROES Y RDA A REUNI CU OFAC

PREMIER EVELYN WEVER-CROES Y RDA A REUNI CU OFAC

by Admin
0 comment 61 views

 

 

Diamars ultimo Premier Evelyn Wever-Croes a reuni cu OFAC. El a wordo acompaña pa sra. Joselin Croes, Minister Plenipotenciario di Aruba na Washington, sr. Alvin Koolman, Director di RdA y sr. Richard Eman, Presidente di Hunta di Comisario di RdA. E reunion a bay bon y a duna mas claridad.

REHABILITACION: OFAC a informa Gobierno cu Citgo a pidi un licencia cu ainda ta den tratamento. OFAC a aprecia e esfuersonan di Gobierno di Aruba den e proceso aki. E peticion ainda ta den proceso. Locual cu OFAC a bisa si ta cu e peticion no ta haci pa rehabilita e refineria sino pa “wind down” operation. OFAC a duna hopi claridad riba e proceso di e licencia cu lo wordo papia cu Citgo.

TERMINAL DEN MAN DI ARUBA: Den nomber di Gobierno Premier Evelyn Wever-Croes a indica cu negociacionnan ta andando pa asina Gobierno tuma over e terminal pa asina nos mes por controla e consumo local y pa atende e parti di transhipment. Pa esaki a keda confirma durante e reunion cu lo no tin problema cu e sancionnan y no mester di OFAC.

CONTRATISTA DI REFINERIA: Tin varios contratista di e refineria cu ta sperando pago pa nan trabounan, cu ta pega den e proceso di OFAC. Premier Evelyn Wever-Croes a splica OFAC cu ta hopi importante pa agilisa e proceso pasobra esaki ta importante pa e contratistanan local.

Den e siguiente dianan Premier Evelyn Wever-Croes lo duna mas informacion riba e reunionnan. “Mi ta hopi satisfecho cu con e reunion a bay. Nos no a soluciona e problema ainda pero nos ta riba bon caminda”, segun Premier Evelyn Wever-Croes

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio