Sasaki – Diamars anochi den careada di 9’or p.m patruya di Noord tawata para den luznan di trafico na crusada di Palm Beach.
Diripiente nan a ta mira un Hyundai cu nomber di un compania ariba dje bay zuid.
Loke a capta nan atencion tawata cu e auto aki a pasa den luz cora.
Mesora nan a bay su tras, mirando cu loke e chauffeur a haci tawata algo sumamente iresponsabel.
Momento cu a para e auto altura di ex House of Cheng, agentenan a nota mesora cu e chauffeur ta burachi.
A pidi e Alco-Sensor(aparato di supla). E chauffeur a supla y e machine a marca cu ela surpasa e limite permite pa ley.
Ta trata di un homber Mericano cu ta traha pa e compania di Computer.
Ela wordo transporta pa warda di Shaba.
E Hyundai di e compania a keda na banda di caminda.