Movimiento Electoral di Pueblo (MEP) un organisacion politico cu ideologia Social demoracta tin un structura democratico y un bes mas esaki a wordo demostra na comienso di april 2019. Nos ta un partido cu a wordo funda na 1971 pa uni e pueblo di Aruba y pa lucha pa su libertad sagrado. Nos no kier niun hende/poder aheno bin domina locual nos ta para pe. Un pais chikito den teritorio pero su conciudadanonan tin un curason y stimacion grandi pa Aruba. Nos tin nos mesun derecho di Auto-determinacion, algo sagrado di tur pueblo. Rond mundo ainda tin algun pueblo cu no ta gosa di e derecho inalienabel aki. Mi ta cita di nos libertador Betico Croes e.f.m. “Awe nos ta weita e banderanan aki; ta pueblonan soberano cu tin nan libertad y nos ainda no ta, pero nos ta duna boso e garantia cu nos lo lucha incansablemente pa pone e bandera di nos den e fila di e paisnan soberano pa asina garantiza e libertad di e pueblo di Aruba.”
Un honor sigur pa tur hende cu ta considera nan mes un Arubano. Den e espirito aki mi a uni den filanan di MEP na 2013 y na 2017. Mi a ocupa puesto di Presidente di Congreso 2015 y awo mi tin e honor pa ta Comisario di Inclusion y Integracion den Directiva di partido pa e periodo di 2019-2021.
Esaki ta e miembronan di e Directiva nobo:
Lider : Evelyn Wever-Croes
Presidente : Hendrik Tevreden
Secretario General : Endy Croes
Secretario : Grace Koolman
Tesorero : Setty Christiaans-Yarzagaray
Comisariadonan:
Relacion Internacional : Joe Koolman
Relacion Publico: Manolo Giel
Accion femenino : Shailiny Tromp-Lee
Actividad: JoallyCroes
Ciencia y desaroyo : Arthur Vallejo
Inclusion y integracion: Rudy Richardson
Organisacion y structura di partido: Rocco Tjon
Hubentud: Roderich Lopez
Mi por garantisa nos digno pueblo cu nos ta haci tur nos esfuerso pa trece e calidad di bida mas halto posibel cu e recursonan disponibel di nos pais. Mi a sali y network riba diferente tema cu lo wordo divulga muy pronto manera issues di Inclusividad di diferente conciudadano y tambe riba e tema di Integracion mi a cuminsa di biaha ta estrecha lasonan cu nos rumannan di Suriname y Venezuela pa menciona algun. Aruba tin mas di 90 nacionalidad y nos mester sigui traha riba union di nos pueblo pa por sigui traha riba un democracia bibo y sostenibel pa e siguiente generacionnan. Mi ta conclui cu un otro expresion di nos Libertador Betico Croes: “Loke mi no kier pa mi yiunan, mi no kier pa mi pueblo, p’esey mi ta lucha pa nos libertad.”