Desde 1985 manehando mayoria di desperdicio di Aruba debidamente Ecotech semper a contribui y lo sigui contribui na Aruba su limpiesa y medio ambiente

Manera conoci, desde 1 maart 2019, Gobierno di Aruba a efectua cobransa pa recogemento y maneho di desperdicio na Aruba oficialmente. Cumpliendo cu ley di maneho di desperdicio, tur cliente residencial y comercial di Ecotech ta contribui directamente na Serlimar su tarea di mantene nos pais limpi.

E tarifa di Ecotech ta consisti di dos parti: un tarifa di servicio di recohemento di desperdicio cual ta AWG. 23.10 y un tarifa di procesamento di desperdicio, asina yama ‘Tipping Fee’ determina pa gobierno di Aruba cual ta un suma di AWG. 5.00 florin sumando un total di Afl. 28.10 pa luna pa servicionan di Ecotech. Pues cu e ‘Tipping Fee’ aki, Ecotech semper a contribui y lo sigui contribui den locual ta procesamento di desperdicio y mantencion di limpieza publico pa cual Serlimar ta encarga di dje.

Ecotech ta recoge mas cu 60% di desperdicio di Aruba, primordialmente di servicionan comercial y servicio duna na 1.8 miyon turista pa aña y mas di 5000 mil cas residencial. Esaki ta un contribushon na Serlimar di 3.8 miyon florin pa aña na ‘tipping fee’ cu ta wordo deposita na e landfill sanitario di Sero Teishi, hunto cu AWG. 413,000.00 pa desperdicio deposita ainda na Parkietenbos. Manera semper, Ecotech ta continua na ofrece su servicionan di recogemento di desperdicio na pueblo di Aruba cumpliendo cu tur acuerdo y segun ley.

Ecotech ta un compania di maneho di desperdicio cu ta kere den maneho sostenibel di desperdicio atrabes di Ecobails, cual ta e solucion ideal pa e tamaño y cantidad di sushi cu nos isla ta genera. Cultura di servicio y sostenibilidad di Ecotech ta data for di 1985 y ta transcende competencia poniendo importancia riba un Aruba limpi pa nos futuro generacionnan.

Sea cu bo ta scohe pa servicionan di recogemento di servicio di un compania estatal of compania priva manera Ecotech, atravez di e ‘tipping fee’ obligatorio bo lo keda contribui na Serlimar y su tarea di mantene nos pais limpi. Yama Ecotech awe mes pa cualkier informacion rekeri riba 582 4684 of pasa na un di nan puntonan di benta na ATCO Shaba, Dakota, Barcadera of San Nicolas. Subi www.ecotecharuba.com of sigui nan riba Facebook pa mas informacion. Por yama Mr. Bucket tambe riba 594 3757 pa Customer Service obtenibel 24/7.