Home » Aruba Bank Golf Invitational 2019 ta Recauda 20 Mil Florin pa WKF

Aruba Bank Golf Invitational 2019 ta Recauda 20 Mil Florin pa WKF

by Admin
0 comment 60 views

 

ORANJESTAD, Aruba –  Pa di cinco (5) aña consecutivo Aruba Bank ta organisa su torneo di golf anual (Golf Invitational) cu meta pa recauda binti (20) mil florin pa yuda Wilhelmina Kanker Fonds.

Clientenan corporativo y aficionado di e deporte di golf na Aruba a forma un total di trinta y dos (32) ekipo cu a participa den e 4-man scramble. E evento anual tin un demanda hopi halto y e inscripconnan a yena den un tempo record, contando cu cien y binti ocho (128) participante. E weganan a tuma luga ariba canchanan di Aruba su tan conoci Tierra del Sol Golf Club.

Despues di wega tur participante a pasa pa e recepcion rond di piscina di Tierra del Sol, caminda cu e Director di Golf Operations di Tierra Del Sol, Sr. James Kiley a presenta e resultadonan y a comparti esakinan cu esunnan presente.

Na prome luga a keda e ekipo di Wayaca Service Station: Axl Ismail, Alexandra Brown, Ross Ismail y Oslin Ismail. Na di dos luga a keda e ekipo di Holiday Inn: Eddie Rivera, Kevin Anderson, Martin Giraldo y Luigi Wix. Closest to Pin front half a keda den persona di Orlando Rasmijn y back half a keda den persona di Tariq Welhouse.

E “Hole-in-One” a wordo presenta pa Aruba Bank Mastercard Debit Business un oportunidad pa gana US$100,000.00. A introduci e “Second-Hole-in-One” cu e oportunidad pa gana un Hyundai Santa Fe. A duna oportunidad na 5 golfista pa tira un Hole-In-One on the spot pa gana e premio grandi.

Managing Director Sr. Michiel Helfrich y Executive Director Sra. Gina Habibe a haci entrega di e cheque cu e suma di binti mil florin na representantenan di Koningin Wilhelmina Kanker Fonds. Pabien na tur e participantenan y sigur e ganadonan cu a hunga un tremendo wega diasabra ultimo y ta sigui apoya Aruba Bank pa logra e meta di sigui sostene esfuersonan caritativo den nos comunidad!

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio