Velocidad halto a causa accidente cu basta daño material na rotonde Tanki Leendert

Tanki Leendert – Diasabra marduga pa mas o menos 3:30 a.m polis a bay rotonde Tanki Leendert pa un accidente basta fuerte.

Un v-car biniendo cu velocidad halto a dal un auto cu ta lastra un baki pick up, mandando esaki pariba di rotonde dal un auto staciona.

Pues un zonido basta duro habitantenan a scucha e ora marduga ey.
No tawata tin hende herida. Polis di trafico a ser pidi den e ora ey.

Daño material si ta hopi, tampoco ta conoci si e chauffeur lo por tawata bou influencia.