Oranjestad – E siman cu ta tras di lomba tawata tin un caso unda un dama a hinca un agente policial na Walishali, esaki a pasa den oranan di anochi.
Na yegada di patruya mesora a bay over na detene dama cu a hinca e agente policial.
E agente a bay Hospital y a haya tratamento pa su herida. Ta un agente relativamente nobo den e Cuerpo.
E dia ey autoridadnan competente a presenta na e cas hunto cu BFTO pa cuminsa investiga.
Dia di e incidente a mira un banda di medaya so, esta cu ta e dama a hinca e agente.
Pero segun dianan tawata pasando y durante interogacionnan di parti Recherche a sali na cla otro cos.
Berdad e anochi eynan e dama a usa un cuchiu pa sea defende su mes y ta hinca e agente cu ta e tata di e yiu cu nan tin.
Pero, awor a bin sali na cla cu e agente a saca su arma reglamentario y lo a dirigi esaki ariba e dama.
Aki ta unda cu e departamento di BIZO a cay aden, BIZO ta e departamento cu ta trata y investiga casonan cu agentenan policial comete infraccion o sea algo robes.
Despues di e scucha e banda di medaya di e dama y cu na su turno a entrega keho contra e agente a bay over na detene e agente. Pues segun nos a compronde, e agente lo a wordo deteni y ta encarcela pendiente mas investigacio.
Parse cu e pareha aki ya basta tempo tin manera un tension entre nan, debi na posibel jaloersheid. Y lamentablemente siman pasa e situacion a bay completamente for di man.
Awor ambos ta deteni.
Parehanan cu ta jaloers ariba otro mester sinta y analisa nan situacion y asina evita tipo di casonan manera esaki. Tin cu ta caba te na morto.
Pense bon y actua of busca ayudo cerca un Profesional prome cu ta laat.
Cuerpo policial no ta pasando den su miho momentonan, constantemente di esnan mas halto te na esun di mas abou ta hayanan den un of otro baina.