Home » Matthew  Paesch di Aruba lo ta piloto pa Ecuador den careda internacional di Karting

Matthew  Paesch di Aruba lo ta piloto pa Ecuador den careda internacional di Karting

by Admin
0 comment 70 views

 

Wowonan Internacional ta riba Matthew Peasch. Matthew Paesch ta un piloto di GoKarting cu ta haciendo un tremendo papel internacionalmente. E ta core den e top categoria di Karting. Stichting Memorial Raul Robert Paesch ta e grupo cu ta representa Mathew Paesch. Despues di mire core den diferente careda y e resultado di su caredanan, Carlos Andres Rios Silva cu ta gerente di HRT Motorsports a manda un carta di invitacion. Nan a pidi pa haya Matthew Paesch como Piloto principal y exclusivo pa representa Ecuador den dos diferente careda Internacional. Ambos careda ta na Ecuador. Riba 15 y 16 di Juni cu ta e Pre Panamericano y tambe 17 pa 21 di July pa e competencia Panamericano.  Un noticia asina ta hopi grandi pa Aruba. Un biaha mas Aruba ta prueba cu tin su pilotonan di Karting cu ta haciendo un trabou excelente. Dia 18 y 19 di Mei den caredanan na Bogota, Matthew Paesch lo tey caminda eynan lo firma e compromiso cu HRT Motorsport como Piloto representando Ecuador. E Team Paesch ta hopi contento cu e invitacion aki pasobra esaki ta un prueba cu Aruba ta bon prepara. Matthew Paesch na Aruba no por train manera mester ta. Den exterior e ta probecha hunto cu su estudio pa por keda train cu mas flexibilidad. E ta core den e top level di karting cu e Kart cu shifter. Na Bogota aña pasa el a demostra su potencial unda den awacero el a logra yega casi full dilanti pasando hopi kart durante e competencia. E weekend di 18 y 19 di Mei e wowonan lo ta riba Matthew Paesch un biaha mas den preparacion pa e siguiente caredanan internacional na Ecuador.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio