Oranjestad – Diahuebs den oranan di anochi informacion a drenta cu boto jama Moana ta den problema, y abordo lo tin 4 Arubiano.
Lo tawata trata di un Speedboat cu 2 motor.
E momento eynan via Marine Radio un Barco di Container cu a sali di Barcadera a wordo manda na unda Moana tawata, cu tawata mas o menos 20 miya nautico pabou di Aruba.
Algo prome cu mey anochi un Tankero lo a topa cu e boto y a yuda e Speedboat Moana. E ora ey segun nos a compronde e boto tawata mas cu 20 miya leu.
Mirando e distancia, nan lo a yega tera bek den oranan di marduga.
Den careda di 3’or di marduga e boto a drenta waf y a mara altura di The Paddock. Esnan a abordo tawata basta cansa. Esaki a sosode cu ayudo di Kustwacht tambe cu a tow e boto trece waf.
Tur hende tawata ok, solamente cansa manera nos a bisa caba.
Un final feliz pa e famia y danki na e coordinacion di e siguiente instancianan cu ta Kustwacht, RCC Curaçao, y Kust Station di APA Aruba.