Home » AVB trahando cu FIFA riba plan strategico pa referee

AVB trahando cu FIFA riba plan strategico pa referee

by Admin
0 comment 79 views

 

 

ORANJESTAD, Aruba –  Arubaanse Voetbal Bond (AVB) a tene un encuentro cu representante di FIFA demostrando cu no solamente a introduci un plan strategico, pero ta dunando contenido tambe na locual tin describi den dje. Un di e puntonan di accion den e plan strategico, ta duna atencion na refereenan. A cuminsa acerca partnernan FIFA y CONCACAF, kendenan a manda Javier Santos, e Referee Development Officer di FIFA y CONCACAF, pa bin Aruba y yuda AVB ehecuta e plan.

 

“Nos sa cu nos tin diferente proyectonan den pipe line y e lo ta un di nan cu lo yuda nos ehecuta e plannan aki”, segun ing. Richard Dijkhoff, Presidente di AVB. Ta contento pa motibo despues di a papia, informa y a splica pa hopi tempo. Awo poco poco ta mira cu e plannan ta keda realisa, concretisa. Awe tin Javier Santos na Aruba pa asina aki yuda unda kier yega cu e federacion. Esey ta eleva e nivel di e federacion conhuntamente cu tur hende cu ta forma parti di futbol di Aruba, dal e stap y bay e nivel un tiki mas halto cu ta caba.

 

Javier Santos, referee development officer di henter area di Caribe, Merca y Canada, ta encarga pa establece e curso Referee Assistant Program (RAP). RAP un programa di FIFA cu ta presenta tur cambio, reglanan di wega, tur loke ta haciendo ultimo cu arbitrahe y ta selecciona un grupo di referee di Aruba.

 

E asociacion ta scoge e grupo di referee unda pa 5 dia nan lo ta tratando diferente tema di referee, reglanan di wega. Pero tambe motiva e refereenan di aki pa yega na un nivel. Aruba tin 2 referee, cual 1 ta referee di FIFA y 1 asistent di FIFA. E idea ta p’e otronan cu ta sigui nan tras pa asina por logra tin refereenan di Aruba den competencianan di nivel halto manera Copa Oro, Copa di Campeon, eliminatorio di mundial of yega na e mundial di FIFA.

 

A papia riba e plan strategico y Javier Santos t’ey pa yuda e parti di desaroya nan door di e departamento di referee. E departamento lo tin un programa grandi na nivel di e federacion di Aruba. E lo ta yudando den e parti di referee pa establece un bon programa di referee, pa tin un bon categorisacion di referee, pa tin miho refereenan di nivel.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio