Manera ta conoci e esencia di e maneho di Gabinete Wever-Croes ta pa dentro di e margin financiero existente ehecuta mas hopi proyecto posibel. P’esey tambe na un manera structural y responsabel diferente bario rond Aruba a cuminsa wordo asfalta, segun e maneho di e Minister di Infrastructura.
BARIO DI YARA
Hopi habitante di e bario di Yara a acerca nos pa splica e necesidad pa asfalta e diferente camindanan den e bario. Esaki pa entre otro eleva e seguridad den bario mirando cu tin hopi mucha y e molester di hopi stof cu e camindanan di santo ta ocasiona.
Importante pa nota tambe ta debi na e compleho deportivo na Yara e volumen di trafico ta hopi pa un bario. Adicional tambe e bario aki conoce diferente caminda cu tin un entrada y salida so. Es decir e molester ta mas aun pa e habitantenan di e bario aki.
PA CONCLUI
Mesora a entrega e peticion aki den nomber di e habitantenan na Minister di Infrastructura. Ayera nos a wordo informa cu segun planificacion di DOW esaki lo wordo ehecuta den luna di Augustus of September venidero.