Home Lifestyle Moonlight on the Waves ta un buki inspirativo

Moonlight on the Waves ta un buki inspirativo

SHARE

Recientemente sra Eileen Marsdin Euson a haci entrega di e buki di poesia di autor Lolita Esmeralda Euson (1914-1994 qepd) na Koningin Wilhelmina Fonds Aruba. E buki di poesia aki ta carga e nomber ‘Moonlight on the Waves’ y ta un compilacion di poemanan cu un toke spiritual caminda e autora ta duna tur gloria y honor na nos Creador.

Sra Eileen Marsdin Euson ta yiu muher di sra Lolita Euson y durante e siman di colecta di Koningin Wilhelmina Fonds el a topa presidente Lilly Prince y a expresa su deseo di duna e fundacion un buki di su querida mama y alabes haci un donacion tambe pa asina Koningin Wilhelmina Fonds por sigui informa y educa comunidad. E donacion ta e ganashi di e benta di e bukinan y tabata deseo di sra Lolita Euson pa haci un donacion na Koningin Wilhelmina Fonds.