Home » Dakota a bay cu e prome 3 puntonan di play-off semifinal

Dakota a bay cu e prome 3 puntonan di play-off semifinal

by Admin
0 comment 97 views

 

 

ORANJETAD, Aruba – 8 di Mei 2019: E play-off semifinal di Campeonato 2018/2019 Division Honor a cuminsa cu un apertura di Arubaanse Voetbal Bond (AVB). President di AVB a habri e anochi gradiciendo tur hende y e teamnan cu a participa den e campeonato, despues Edjean Semeleer a deleita tur hende cantando e himno. E prome encuentro tabata entre SV Dakota y SV Estrella.

 

Na diferente ocasion SV Dakota a yega den arwa di gol den e prome tempo. Fernando De Sousa a habri e marcado y a pone Dakota dilanti 1-0. Den e di dos tempo e wega a continua unda ambos team a busca pa anota gol. Na final di wega SV Dakota a piki e prome 3 punto cu e victoria di 1-0.

 

SV Dakota ta contento di por a gana e prome 3 punto, unda cu aña pasa nan a perde e prome dos weganan. David Abdul, coach di SV Dakota, a expresa di ta contento di a bay cu e victoria di e prome wega di play-off y a sali riba e bon pia. Esey ta un resultado positivo y nan por traha riba dje pa nan siguiente wega. SV Dakota su siguiente wega lo ta contra di SV RCA, cu ta un team dificil y hopi calidad.

 

Den e prome tempo di wega Estrella a cuminsa slow y tabata marca, pero a papia duro cu nan pa sali marca, asina Lando Everon, coach di SV Estrella, a expresa. E derota aki ta un les pa nan y esaki lo lanta nan animo pa bin e siguiente weganan mas duro cu por. E siguiente wega lo ta dialuna 13 di Mei contra Deportivo Nacional.

 

E ta invita henter pueblo di Aruba pa bin apoya tur 4 team cu ta hungando un bon futbol. Bin apoya nan y ban engrandece futbol. Lando Everon tabata contento di por a mira un tribuna pariba habri bek cu basta hende y di Dakota tambe.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio