Riba invitacion di e Observatorio Electoral di COPPPAL (Conferencia Permanente de Partidos Politicos de America Latina y Caribe) y di cual MEP tambe ta miembro permanente, un invitacion a ser haci na nos partido pa participa como Observador Electoral den e eleccion pa Presidente di Panama y cual a tuma lugar dia 5 di mei 2019.
Ta den e cuadro aki partido MEP a manda un delegacion di tres persona consistiendo di sr. Joe Koolman, sra. Stephanie Croes y dr. Gerrit Croes kendenan a biaha diahuebs pa Panama pa asisti como observador den e eleccion di diadomingo ultimo. Na Panama e delegacion tabata huesped di e compañeronan di Partido Revolucionario Democratico (PRD) y cual partido tambe tin su candidato presidencial, esta sr. Nito Cortizo.
Diadomingo tempran pa 5’or y mey e observadornan di Team COPPPAL a sali pa e Centro Electoral pa mira e inicio di e proceso electoral y for di ey nan a haya e rutanan pa controla e diferente urnanan.
Tambe hunto cu e delegacion di MEP a viaha pa Panama sr. Rudy Croes den su calidad di Vice Presidente di COPPPAL y kende a encabesa e delegacion di COPPPAL na Panama.