Sasaki – Diadomingo mey anochi polis a bay cu urgencia ariba Sasaki pa un accidente serio.
Poco pariba di ex House of Cheng dos auto lo a drenta mondi y den un di nan tin un persona pega.
Un agente policial cu lo tawata den su ora liber a conta su colegana kiko elo a mira.
Bayendo direccion nort um Toyota Celica shinishi lo tawata coriendo duro y pasando varios auto. Dado momento e no a regula su velocidad y ta dal e patras di un Chevrolet Spark.
E impacto a causa cu ambos vehiculo a perde contro y bay drenta mondi, tur esaki debi na chauffeur iresponsabel aki.
Ambulance a wordo pidi pa e persona herida den e Chevrolet Spark. Pa loke ta e chauffeue di e Toyota polis a usa e Alco-Sensor y e resultado tawata cu ela bebe dimas alcohol.
Mesora agentenan a lese su derecho y a detene. Transportwagen a yega y a hiba e chauffeur burachi warda di Shaba.
Polisnan na e sitio a yuda Paramediconan saca e persona for di e Spark, pa nan por a transporte pa Hospital.