Palm Beach: Diabierna pa mas o menos 11’or y 20 di anochi, presencia di polis ta wordo pidi cu hopi urgencia na Barcel Hotel, pa un turista agresivo.
Varios patruya di polis ta wordo manda cu urgencia na Barcelo hotel, na yegada nan ta bin topa cu un turista basta agresivo y aparentemente bou influencia.
Mesora e agentenan policial a bay atende cune y ela conta polis cu e tabata hungando billiard y a dicidi di bay baila un rato y ora el a bolbe bek na su mesa ela bin topa otro hende sinta na su mesa y esey lo a pone su cabes flip y tabata kier a bringa cu e hendenan.
Polis a dicidi di detene e turista masculino aki pa motibo cu ela bira histerico cu polis tambe. Transportwagen di polis a bin buske y a transport’e a warda di Shaba caminda elo haya un cuarto gratis pa trankilisa.
