201
Oranjestad: Diasabra den oranan trempan di mainta, brandweer y polis ta sali cu urgencia pa un cas na candela den Rancho, pa ser exacto den Hanchi Piscado, e cas ta cay den Johan De Wittstraat 7, cu ta e caminda dilanti Feng Da Supermarket bay ariba.
For di leu por a mira e huma, e cas ta di famia Quandt y na e cas aki nan ta cria gai di pelea. Brandweer hopi liher a yega na e sitio y a cuminsa cu e trabounan di combati e candela feros aki.
Despues di basta rato brandweer a logra domina e candela por completo, no ta conoci kiko lo por ta e causa di e candela.
Departamento investigativo di Brandweer y polis lo mester haci e investigacionnan necesario pa haya sa kiko ta e causa exacto di e candela aki.
