Home Entertainment Abo ta Aruba su di 50 Miss Aruba? Inscripcion pa Miss...

Abo ta Aruba su di 50 Miss Aruba? Inscripcion pa Miss Aruba ta sera dia 10 di Mei, 2019

SHARE

ORANJESTAD – E aña aki Aruba lo conose su di 50 Miss Aruba cu lo representa Aruba na e certamen di beyeza mas importante mundialmente cu ta Miss Universo. Banda di Miss Universo, un otro dama hoben lo tin e oportunidad di representa Aruba na Miss Mundo cu e aña aki lo tuma lugar na Thailand.

Aña pasa a toca e oportunidad na Kimberly Julsing pa representa Aruba na Thailand na Miss Universo y na Nurianne Arias pa representa Aruba na China na Miss Mundo. Raquelle Reeberg a biaha pa Bolivia pa representa Aruba na Miss Hispanoamericana y Hannah Arends a biaha na comienso di aña pa Colombia pa respresenta Aruba na Reinado Internacional del Café unda Hannah a sali den top 3 di e competencia policial di e reinado.

Star Promotion Foundation (SPF) ta informa cu inscripcion pa Aruba su certamen mas importante ta habri y lo sera dia 10 di Mei 2019. Pa inscribi candidatanan mester tin entre 18 pa 28 aña di edad, no mag di ta casa ni tampoco tin yiu. Esnan interesa pa participa of si kier mas informacion por tuma contacto cu SPF via e facebook page Miss Aruba Pageant of por manda mensahe via whatsapp na 5923222.