Oranjestad,Aruba — Minister Armando Rudy Lampe a firma un acuerdo di cooperacion entre Minister di Husticia di Aruba y di Hulanda cu e stichting LeerOrkest di Hulanda. E cooperacion aki ta hopi importante pa nos muchanan y nos hobennan. E rapport di UNICEF a señala cu tin mester di mas atencion pa derecho di nos muchanan, por ehempel despues di oranan di scol. Den e orario despues di scol tin situacionnan di descuido. Pa e motibo aki mes Minister di Eseñansa a yega na e cooperacion aki pa asina bin cu un miho contenido na e proyecto Trai’Merdia cu Ministerio di Enseñansa ta ehecuta.
Tambe di parti di Minister di Husticia tin un vision integral pa asina atende cu e problematica di husticia. P’esey mes e cooperacion aki ta bay yuda pa preveni pa criminalidad entre hobennan cu tambe ta un problematica den nos comunidad. E proyecto di LeerOrkest lo traha riba e desaroyo di e mucha. Den un orkesta y hugando hunto un instrumento musical, e mucha y hobennan ta siña diferente balor y abilidad di siglo 21 cu ta hopi importante pa nos futuro generacion. Nan lo siña e balor di diciplina, perserverancia, pasenshi, traha hunto y balor di creatividad.
E proyecto di LeerOrkest ta un exito na Hulanda y na unda cu mas di 3 mil mucha a mustra nan abilidad di toca un instrument. Sinembargo e proyecto aki no a keda na Hulanda so, pero a yega Corsou tambe ‘Stichting Leerorkest Curacao’ cu ta un Proyecto piloto na diferente scol na Corsou y ta un exito na e scolnan. Awor Aruba tin e oportunidad pa e LeerOrkest yega Aruba cu lo benificia nos muchanan y nos hobennan grandemente.
