Diahuebs mainta durante e Reuda di Prensa di Gobierno di Aruba tocante abuso di mucha, Minster Rudy Lampe a elabora riba kico Departamento di Enseñansa a realisa pa cu e Crisis Plan Social. Minister a cuminsa pa gradici miembronan di prensa pa nan presencia masal pa cubri e conferecia aki. Recordando nan, cu prensa ta di suma importancia pa investiga y denuncia abuso di menornan!
Minister a informa cu for di augustus 2018 a organisa e prome conferencia international di Abuso di Mucha. Un Ballroom yen di profesional a wordo informa di Therapia di Arte. Esaki ta un estudio cu ta mustra e maestro por ehemplo, con pa detecta e fenomeno horibel di abuso di mucha menor via arte. Con pa kibra e taboe via pintura y saca afo si e menor ta experenciando abuso di un of otro manera.
Hopi enfasis ta wordo poni riba e prevencion. Una bes e acto ta haci, e victima ta daña pa resto di su bida. Via e programa aki, ta duna muchanan e instrumento pa bisa no, y ki ora nan mester bisa no.
Cuminsando na november ta implementando tambe na scolnan publico e proyecto “Bisa No!”. Despues di un entrenamento di su maestronan e scolnan publico lo cuminsa cu e programa. Aña escolar nobo, Minister ta spera cu e lo wordo introduci na tur scol. E proyecto aki ta un colaboracion grandi entre diferente persona, fundacionnan y Ministerio di Enseñansa. E ta cubri material di enseñansa via canticanan, obra di arte y tambe teatro. E muchanan lo siña con pa identifica posibel malhechornan y asina preveni pa nan bira victima.
