ORANJESTAD – Recientemente klas BOL WZ3-1 di Salubridad y Servicio hunto cu nan docente Randolf M.Vrolijk a haci un bishita den cuadro di module 204.3 ‘Democratie en Rechtsstaat op Aruba’ di orientacion y estudio na tanto ex gobernador Olindo Koolman y Parlamento di Aruba.
Sr. Koolman y su sra.Dora Koolman ex primera dama a recibi e klas cu hopi entusiasmo. Sr. Koolman a repasa cu e studiantenan su biografia como persona, su trabou y tareanan como gobernador di 1992 pa 2004 y duna espacio na e studiantenan pa haci pregunta na su persona.
Na Parlamento e studiantenan a haya un recorido di e trabounan di Parlamento tambe, kico ta e derechonan cu un parlamentario tin pa e por eherce su funcion mihor y ki mihor manera pa e por controla gobierno den e parti ehecutivo.
Parlamentarionan presente tabata sr.Ricardo Croes (RED), Marisol Lopez Tromp y Alan Howell (POR), Endy Croes, Setty Christiaans-Yazagaray, Rocco Tjon y SueAnn Ras.
