ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda Sero Preto na San Nicolas cu diamars dia 7 di mei 2019 te cu diaranson dia 29 di mei 2019 lo bay cer’e parcialmente pa asfalta e caminda.
Fase 1 di trabounan preparativo lo cuminsa diamars dia 7 di mei 2019 te cu 15 di mei 2019 y nos lo asfalta dia 16 y 17 di mei 2019
Fase 2 di trabounan preparativo lo sigui dialuna dia 20 di mei 2019 te cu 24 di mei 2019 y dia 27 te cu 29 di mei 2019 nos lo asfalta e caminda.
Lo indica e ruta alternativa cu baricadanan y borchinan di aviso y e orario di ceramento lo ta di 8’or di mainta pa 4’or di atardi.
En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
