Candela ta destrui cushina di Fermin’s bar por completo

Boegoeroei: Diaranson algo pasa di 1’or di marduga, brandweer ta wordo manda cu hopi urgencia na Fermin’s Bar pa un candela.

Na yegada nan ta bin topa cu e cushina completamente na candela, mesora a cuminsa na combati e candela pa asina evita cu e localidad lo por kima por completo. Brandweer mesora a cera e botternan di gas y tambe desconnecta coriente.

Despues cu brandweer a logra domina y paga e candela nan por a nota cu e cushina a keda completamente destrui pa e candela. Polisnan tambe a yega na e sitio y a cuminsa cu un investigacion, e causa di e candela no tabata conoci na momento di e candela.