PALM BEACH, ARUBA – Aruba Marriott Resort & Stellaris Casino a wordo premia cu dos reconocimento regional como tambe dos reconocimento continental; “Revenue Management Leader of the Year” y “Property Sales Team of the Year” pa e division di “premium brands” di Caribe y Latino America, como tambe “Property Sales Team of the Year” y “One Team, Driving Results” pa e division di “premium brands” di e continente di Las Americas.
E premio di “Revenue Management Leader of the Year” a wordo presenta na Aisling Seberry, Director di Revenue Management, pa e aumento significante den entrada produci pa e hotel na 2018. Srta. Seberry ta forma parti di Aruba Marriott Resort desde 2013 y ta resonsabel pa crea strategianan firme cu enfoque riba maximalisa entrada di hotel.
E premio di “Property Sales Team of the Year” a wardo otorga na e team di Sales & Marketing y Reservations, cual ta bou guia di Carolina Voullieme, Director di Sales & Marketing y Reservations, pa a sobresali den e cantidad di bentas cu nan a logra den 2018 por medio di bodanan, gruponan, catering y e segmento di huesped transciente. Srta. Voullieme ta forma parti di Aruba Marriott Resort desde 2013 y ta responsabel pa alcansa e obhetivonan di bentas di e hotel como tambe optimalisa e generacion di entrada pa e hotel.
Durante Marriott su award gala na Washington DC e siman aki, a wordo anuncia cu e team di Sales & Marketing y Reservations a gana tambe e reconocimento di “Property Sales Team of the Year” pa e continente di Las Americas. Alaves, e team completo di Sales & Marketing, Reservations y Revenue a gana e premio di “One Team, Driving Results, pa e continente di Las Americas.
ELITE awards ta celebra lidernan y ekiponan di “Brand + Marketing, Digital + Loyalty and Public Relations, Global Sales, Revenue Management and Sales”. E ganadornan ta wordo selecta a base di nan leadership skills, resultadonan di entrada pa e hotel, servicio di client superior, y participacion den comunidad. E programa di reconocimento aki ta un di e maneranan cu Marriott ta celebra su top lidernan y ekiponan, cual ta forma parti di Marriott su principio di mas importante y duradero, cual a wordo introduci pa e compania su fundador J. Willard Marriott, “if you take care of your associates, they will take care of the customer”.
Un tiki mas di Aruba Marriott Resort & Stellaris Casino:
Aruba Marriott Resort & Stellaris Casino ta situa na Palm Beach y ta consisti di 414 camber cu balcon priva cu bista pa e pool relajante y tambe pa e awa nan blauw di lama. Huespednan cu ta desea exclusividad por has reservacion na e Tradewinds Club, un boutique hotel di Aruba Marriott Resort. Ademas e hotel ta ofrece un ‘adults only’ pool cu ta brinda privacidad superior y tambe un variedad di restaurantnan cu ta garantisa un experencia unico. Pa esnan cu kier disfurta y relaha, por hasi uso di e casino mas espacioso na Aruba y e ‘award-winning’ spa. Pa mas informacion por tuma contacto cu Aruba Marriott Resort & Stellaris Casino na 586-9000 of bishita www.arubamarriott.com of www.tradewindsclubaruba.com. Tambe por bishita Aruba Marriott su Facebook y Twitter page www.facebook.com/ArubaMarriott y @ArubaMarriott.
