Palm Beach – Diamars atardi altura di Palm Beach Plaza a presenta un situacion inaceptabel.
Awa di pos/riool a bay over, nos no ta papia di algo chikito pero un area masha grandi.
Algun dia pasa den careda di mey anochi a presenta un situacion similar altura di Riu Antiyas, awa ta bay over y yena caminda.
Diamars atardi esnan cu mester a bay traha of bay wak un cine mester a inhala e holor stinki di riool/wc.
E awa a bay over te cu tawata na ambos banda di caminda. Y nada nada a wordo haci pa e cera e area y haci esaki limpi.
Trafico cu local y turista tawata bay zuid y nort den e awa malo aki.
Bo no sa cuanto bacteria e awa tin y con peligroso e ta pa salud di hende.
Algo condenabel, y niun hende e move un dede e ora ey.
Segun nos a compronde DOW cu ta e departamento encarga lo a reacciona te den oranan laat di anochi, despues cu mayoria auto a pasa den e awa stinki aki.
Te hasta unda esnan cu ta bishita Palm Beach Plaza ta parkeer tawata bou di e awa sushi aki.
Ta ora pa DOW revisa e sistema di rioolnan aki (area di hotel) constant y evita Aruba pasa den un berguensa asina den e area mas turistico di e isla.
