PARTICIPACION TABATA GRANDI DEN E CAMPEONATO NACIONAL DI TAEKWONDO DI DIA DI REY.

Den e marco di e celebracion di Dia di Rey 2019, Aruba Taekwondo Bond (ARTBO) a organisa un Campeonato Nacional  cu a tuma luga diasabra ultimo den  Compleho Deportivo Frans Figaroa na Noord.

E ceremonia a cuminsa cu e Himno di Aruba y despues cu palabra di bon bini di e Presidente di Aruba Taekwondo Bond Dr. Guaicaipuro Jimenez. Esaki tabata e di tres Campeonato Oficial organisa pa ARTBO y e di 5 campeonato di Taekwondo di aña 2019.

E coach di Taekwondo Paralimpico di Aruba sr. Luciano Mazzeo a hiba palabra tocante di e ultimo desaroyo di Para Taekwondo na Aruba.

E evento a cuminsa pa 11’or di mainta cu e desfile di tur e scolnan cu a participa:

Noord Taekwondo Center di KYN Jose Cornelio y bou guia di coach Yoshmar Wever, San Nicolas Taekwondo di Master Eric Barry y coach Shaquille Barry, Impact Taekwondo bou guia di Monica Pimentel, Expect the Unexpected (E.T.U) di Master Esther Coffy y coach Shaul Illidge, Brazil Taekwondo Dojang  di Master Alberto Klaber y coach Jourde Klaber, Tiger Taekwondo Academy  di Kyobunim Teofilo Rodríguez y bou guia di coachnan Albert Thielman y Alexis Cabrera, Crotalus Taekwondo Center di Kyobunim Viviana Bustos y coach Alisson Dirksz. Na final a desea tur e atletanan exito den e competencia.

E resultadonan final pa Combate ( Kyorugi) ta lo siguiente:

Tur scol cu a participa a duna nomber di 7 atleta pa e best team. E prome luga a bay pa TIGER TKD ACADEMY.

Directiva di ARTBO tin interes di masifica e competencia di Poomsae. Na e campeonato aki e atletanan a logra participa segun nan categoria di edad y grado di faha.

E resultadonan final pa Forma ( Poomsae) ta lo siguiente:

E competencia a wordo realisa cu e sistema electronico Daedo Generacion 2, cu ta e sistema usa den mayoria di competencia di Taekwondo na nivel Mundial y e area di Combate cu forma di octagon. Esaki tabata posibel danki na e cooperacion di Stichting Brazil Taekwondo. E mesa tecnico tabata bou encargo di Zahyon Klaber, Viviana Bustos, Jenny Milangela Dirkz, Alisson Dirksz, y Blanca Bustos. E asistencia medico tabata bou guia di Dr. Ricardo Vargas.

E parti di arbitrahe tabata bou guia di e dos refereenan internacional Master Eric Barry y Master Moises Dumfries.

Aruba Taekwondo Bond (ARTBO) ta yama danki pa e participacion masivo di tur e scolnan di Taekwondo di Aruba y e tremendo trabou realisa pa e cuerpo di arbitrahe.

ARTBO ta yama danki na tur e voluntarionan cu a haci e evento aki posibel, specialmente na e siguiente organisacion y personanan:

Stichting Brazil Taekwondo, Master Alberto Klaber, Sr. Glenson Oduber, Zahyon Klaber, Viviana Bustos, Jenny Milangela Dirkz, Alisson Dirksz, Blanca Bustos, e personal Medico Dr.Ricardo Vargas, e miembronan di Prensa, Diario, TeleAruba, Sr. Cornel Djaoen, Sr. Melvin Garcia pa nan apoyo.

Aruba Taekwondo Bond (ARTBO) ta felicita tur e atletanan y nan mayornan cu a participa, sin nan e evento aki no por a tuma luga.

CAMPEONATO NACIONAL DIA DI REY 2019

COMPLEHO DEPORTIVO FRANS FIGAROA, NOORD

27 APRIL 2019

RESULTADO OFICIAL KYORUGI