Dama herida den accidente na altura di MFA Paradera

Paradera – Diasabra atardi a sosode un accidente cu hende herida altura di MFA Paradera.

Na yegada di polis a topa cu un Toyota Yaris y un Hyundai Accent.
Chauffeur di e Yaris cu ta un dama a resulta herida na cabes.

Na e sitio nos a compronde cu e Yaris lo a bay subi of purba pa subi caminda, pero lo no a pone atencion cu e Hyundai Accent tawata biniendo.

Esaki a causa un impacto basta duro, lagando e dama di e Yaris cu un kap na cabes.
Ambulance a wordo pidi pa atende cu e dama.

Na yegada Paramediconan mesora a cuminsa atende e dama y despues a sali direccion hospital.