Rooi Santo: Diaranson, algo pasa di 8’or di mainta ta sosode un accidente hopi serio entre un Hyundai Getz y un brommer, dilanti e supermercado Ting Wei na Rooi Santo, polis y ambulance a wordo manda cu hopi urgencia na e sitio.
Na yegada di e prome patruya, nan a bin topa cu un motociclista seriamente herida benta riba caminda dilanti di un auto.
Na e sitio nan a bin compronde cu e motociclista tabata biniendo di panort bayendo direccion zuid y na e T kruising dilanti di e Supermercado un Hyundai Getz maneha pa un cabayero tabata biniendo di pazuid y yega lora na su man robes sin duna e motociclista preferencia of pa motibo cu e brommer tabata biniendo cu velocidad hopi halto no a mire y a lora su dilanti.
Na yegada di ambulance mesora e Paramediconan a atende cu e motociclista cu no tawata tin helm bisti y cu hopi urgencia a transporte pa hospital. Su situacion na e sitio tawata critico y no tawata reacciona.
Na e sitio a presenta specialistanan di trafico y tambe BFTO pa saca potret di e accidente.