Turista a haya ataca di curason y ta fayece na restaurant di pisca na Savaneta

Savaneta – Diasabra atardi ya birando anochi ambulance a ser manda cu urgencia pa un restaurant di pisca, unda un homber turista lo a bira malo.

Na yegada nan ta topa un turista cu lo a bay pa come of a caba di come, cu no tawata reacciona.
E famia lo tawata disfrutando di e bahada di solo tambe.

Dado momento e cabayero lo a lanta pa bay haci algo y a sak den otro, elo a haya un ataka.
Mesora a bati alarma pa un ambulance.

Polis tambe a presenta na e sitio.

Lo a cuminsa dune CPR y na yegada Paramediconan tambe a sigui, pero despues di basta rato esaki tawata envano. Famianan tawata den shock.

A pidi Dokter pa constata morto.