Oranjestad – Aruba
Diahuebs atardi e dama cu a comete e hit and run Sra Quandus ariba a 3 di Maart ultimo ser laga den libertad. Pues no ta encarcela mas.
Pues nos por corda cu algun siman despues di e accidente y cu despues Sra Quandus a fayece, algun agente di trafico a sigui traha.
Simannan a pasa, y a pensa cu esaki lo bira un Cold Case.
Agentenan a logra haya suficiente informacion y tambe prueba pa a detene e persona culpabel. Su dianan a pasa y ela bay KIA.
Segun nos a compronde e ta sospechoso principal y te hasta elo a admiti di a dal e Señora Ana Quandus, cu a causa su morto despues.
Ora a tende cu ela sali liber ela cay manera baño di awa frieu pa algun y otronan lo tawata spera esey.
Selene Olivar lo tin cu presenta dilanti Huez ora ta asina leu pa hit and run cu resultado fatal.
Ley Hulandes hopi hende ta bisa cu ta e causa principal den casonan serio, cu e culpabelnan ta sali liber den e un tempo cortico.
Y awe no tawata un excepcion.
Ultimo dianan Corte a laga varios persona liber den casonan cu tin peso, manera traficacion di droga y pedofilia.