Home » Facultad di Hospitalidad y Turismo (FHTMS) di Universidad di Aruba ta ricibi e status di “FULL ACCREDITATION”

Facultad di Hospitalidad y Turismo (FHTMS) di Universidad di Aruba ta ricibi e status di “FULL ACCREDITATION”

by Admin
0 comment 47 views

 

 

Oranjestad, Aruba – April 18, 2019. Diahuebs mainta den un sala completamente yen, den presencia di Minister di Enseñansa, Ciencia y Desaroyo Sostenibel, dr. Armando Lampe, Rector di Universidad di Aruba, dr. Glenn Thodé y Decano John Wardlaw, staff y studiantenan, e facultad di Hospitalidad y Turismo a anuncia orguyosamente cu nan a ricibi e status di acreditacion completo, for di e prestigioso instancia ACPHA (Accreditation Commission for Programs in Hospitality Administration) encarga cu calidad di programanan den turismo internationalmente. E oficialnan di e comision a relata nan decision final dia 5 di maart.

 

“E logro aki ta uno remarcabel,” segun Decano John Wardlaw. “E ta evidencia di esfuerzonan continuo di e facultad pa mantente e calidad den educacion formando futuro lidernan den e industria di hospitalidad y turismo y den comunidad. E ta un tributo na e trabou duro y sacrificio di e staf y personal durante e ultimo dos añanan, pero tambe nan abilidadnan, conocimiento y dedicacion na excelencia.  E ta habri porta pa nos studiantenan y graduadonan, y ta hasi posibel cu nos por sirbi no solamente Aruba mihor, pero tambe e region Caribense. Nos ta gradici e partnernan den e industria pa nan sosten continuo.”

 

ACPHA ta un instituto internacional cu ta evalua y ofrece acreditacion na programanan den hospitalidad y turismo, e ta recomenda pa “International CHRIE (Council on Hotel, Restaurant and Institutional Education).” E anuncio ta culmina un proceso di 18 luna, cu a inicia 10 di juli 2017 entregando e aplicacion, y na november 2017 a entrega un analysis extenso di e programa, sigui pa un bishita di e comision na maart di 2018.

 

“E hecho cu e programma di FHTMS awor ta acredita pa ACPHA ta significa hopi pa e facultad, pa Universidad di Aruba y pa educacion avansa na Aruba. Universidad di Aruba a establese FHTMS 14 aña pasa y bou guia di e prome decano Dr. Ryan Peterson e programa aki a mira lus. A no solamente mantene pero a sigui desaroya e calidad di e programa y awo ta logra un acreditacion cu ta demostra e madures di ambos FHTMS y e programma. E acreditacion ta cai den liña di e vision general di Universidad di Aruba pa ta internacionalmente reconosi y specifico di FHTMS cu ta pa expande internationalmente y bira e escohencia favorito di programanan di hospitalidad y turismo den e region.” Rector Glenn Thode ta subraya.

 

FHTMS ta e prome y unico programa den Caribe pa ricibi e prestigioso y honorabel acreditacion aki, cumpliendo cu standard nan di calidad di un instituto internacional specialisa cu autoridad/capacidad pa evalua programanan den hospitalidad y turismo. Tin mas cu 60 universidad acredita pa ACPHA y algun Universidad na Merca ta inclui: “University of South Carolina (USC)” un partner di Universidad di Aruba (UA), “Florida International University (FIU), Auburn University, Georgia State University, Iowa State University, University of Northern Arizona, Weidener University” entre otro. Programanan internacional cu un acreditacion di ACPHA ta inclui universidadnan na Filipinas, Taiwan, Singapore y Peru.

 

Minister Lampe a termina elogiando e facultdad y e momento historico pa educacion y felicitando Universidad di Aruba, staf y personal di e facultdad y studiantenan.

 

FHTMS ta ofrece un “Bachelor Degree” di 3 aña den Hospitalidad y Turismo. Nos mision ta pa prepara studiantenan cu e conocimiento y abilidad pa eherce e rol di lider den nos comunidad y pa ta conciudadanonan di caracter den e industria global di hospitalidad y turismo.

 

Pa mas informacion di e facultad y e programa por bishita http://www.ua.aw/faculty-of-hospitality-and-tourism-management/

Pa mas informacion di e comision di acreditacion pa programanan di hospitalidad y turismo (ACPHA), bishita http://www.acpha-cahm.org/

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio