Home » Parlamentario Edgard Vrolijk (MEP): “E siman aki lo conoce mehoracion di infrastructura den e bario di Urataca”

Parlamentario Edgard Vrolijk (MEP): “E siman aki lo conoce mehoracion di infrastructura den e bario di Urataca”

by Admin
0 comment 57 views

 

 

Desde diasabra pueblo di Santa Cruz por a sinti e cambio ya cu ora bo drenta Santa Cruz bo por pasa riba un caretera renoba cu pa hopi aña tabata den mal estado. Tambe e siman aki lo conoce mehoracion di infrastructura den Urataca, un bario cu hopi aña tabata boga pa poco asfalt riba nan caminda di santo. Mi ta hopi contento cu porfin mi sclamacion pa drecha infrastructura den Santa Cruz a cuminsa yega y asina mi lo sigui tambe pa asina na final di gobernacion di Gabinete Evelyn Wever-Croes mayoria caminda den Santa Cruz conoce mehoracion.

 

Camindanan principal Warawara y Picaron-San Fuego

Sigur mi ta keda para ariba cu e dos camindanan aki mester conoce mehoracion. E caminda Picaron-San Fuego, un caminda hopi usa pa turista  pero tambe pa bishitantenan local den periodo di december y cu ta parce cu ta riba luna bo ta core di tanto lapi lapi cu esaki conoce.

 

Camindanan di tera cu tin derecho riba asfalt

Den bario di Sabanilla Abao tin varios caminda cu mester por haya asfalt pasobra nan tambe ta pagador di belasting y tambe bo tin den Cas Ariba, Macuarima y tambe Jan Flemming cu AVP a gañanan cu den plan BO ARUBA lo ser drecha.

 

Confiansa

Pueblo di Santa Cruz tin e confiansa cu Gabinete Evelyn Wever Croes y sigur cu lo percura pa pone fondo disponibel pa por percura pa Minister Otmar Oduber por pone e camindanan aki den su planificacion p’asina por drecha esakinan y sin lubida tambe pa percura pa drempelnan pa seguridad rond di scolnan pero tambe den barionan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio