Home » Rocco Tjon: No ta existi ningun carta di Embahada di Reino Hulandes tocante traficacion di hende.

Rocco Tjon: No ta existi ningun carta di Embahada di Reino Hulandes tocante traficacion di hende.

by Admin
0 comment 49 views

 

 

Awe Arthur Dowers y Robert Candelaria a ricibi nan contesta. No ta existi ningun carta di Embahada di Reino Hulandes den cual lo ta señala practicanan di traficacion di hende.

 

PETICION DI ARTHUR DOWERS

Ta siman pasa Arthur Dowers y Robert Candelaria a hunga un otro wega politico uzando e biaha aki e topico di “mensenhandel y mensensmokkel”. Insistiendo riba un carta di Embahada di Reino Hulandes den cual lo a señala cu Endy Croes (MEP) lo a viola reglanan di immigracion y admision di Aruba na un forma sistematico y organisa.

 

Durante diferente conferencia di prensa Endy Croes y mi persona a refuta tur esaki. Nos a splica Dowers y Candelaria kico realmente ta “mensenhandel y mensensmokkel”. Desesperacion pa a logra haya poco hende (250 persona so a presenta) na un marcha inhustifica a pone Dowers hunga e wega politico aki.

 

CONTESTA RIBA DOWERS SU CARTA

Awe contesta a drenta Parlamento y den e carta por lesa cu DIMAS y Departamento di Asuntonan Exterior a contesta Minister cu no tin ningun carta. Nos ta lamenta y condena cu Dowers, como ex-minister di Husticia por bay asina leu di inventa cu ta existi un carta di tal indole pa probecho politico.

 

PA CONCLUI

Nos ta lamenta profundamente cu Dowers, den cuadro di su wega politico, a te hasta expresa di no tin confiansa den Ministerio Publico. Nos ta haci un apelacion na Dowers pa asisti na reunionnan di e comishon fiho di Parlamento di asuntonan Hudicial (te awe e no a bin ningun) pa e por wordo bon informa.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio