Home » Prolongacion di entrega di Registro di personal 2018 – 2019

Prolongacion di entrega di Registro di personal 2018 – 2019

by Admin
0 comment 61 views

ORANJESTAD – E Ordenansa Laboral 2013 (Arbeidsverordening 2013, AB 2013 no. 14) ta vigente desde 1 di april 2013. A base di articulo 30, di promer inciso, di e Ordenansa Laboral 2013 un dunado di trabou ta obliga pa entrega e Registro di Personal (Personeelsregister 2018-2019) na Director di Departamento di Labor & Investigacion (DAO). Den e Decreto Nacional Registronan di Ordenansa Laboral 2013 ta regla e modelo di e Registro di Personal. E Registro di Personal ta consisti di tres parti, Modelo 1A, e personal actual manera registra na december 2018; Modelo 1B, e necesidad pa personal pa 2019 y Modelo 1C, e necesidad di personal pa cada proyecto specifico.

 

Departamento di Labor ta informa pa medio di e comunicado di prensa aki cu a prolonga e periodo di entrega di Registro di Personal 2018-2019 pa tur empresa na Aruba cu seis siman mas,  te cu 31 mei 2019. Despues di e fecha aki, NO lo duna mas prolongacion.

 

Unda y con por entrega e formulario di personal 2018-2019

 

DAO ta haci un peticion pa hinca e datonan den e formulario digital, segun e modelo stipula pa ley  y manda nos esaki na e e-mail adres [email protected] of [email protected].

 

Incumplimento

Despues di e periodo di  entrega e dunado di trabou cu no entrega e Registro di personal ta den incumplimento cu art. 30 di Ordenansa Laboral 2013.

Riba violacion di art. 30 lo por aplica un sancion administrativo di afl. 5000,- den forma di un ‘Last onder dwangsom’ caminda lo avisa e dunado di trabou cu e ta den incumplimento y e ta haya un cierto tempo pa coregi e violacion. Si den e tempo stipula e no haci esaki lo formalisa e ‘dwangsom’ caminda e lo mester paga e suma di afl. 5000,- pues ta depende di e dunado di trabou finalmente si ta sigui e procedura di un sancion administrativo si of no. Na final locual kier logra ta cu e dunado di trabou ta cumpli cu ley y mirando cu por coregi e infraccion ta duna un ultimo chens pa coregi esaki prome cu e resulta den un sancion.

 

Pa mas información riba e cambio den forma di e Registro di personal 2018 – 2019 y tambe unda y con por entrega e formulario di personal 2018 – 2019, nos ta referi Bo na nos website www.daoaruba.com of www.gobierno.aw. of pa ricibi e formulario digital, por haci un peticion via e-mail adres [email protected] y DAO lo mail bo e formulario digital.

 

Si tin mas pregunta tocante e Registro di personal 2018-2019 por tuma contacto cu sra. Louisetty Croes na 523-7722 of via email [email protected] of c’un funcionario di Bureau Arbeidsmarktonderzoek na 523-7720.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio