Home Police VIDEO ATTACHED: Throttle di Toyota a pega y pone auto subi muraya...

VIDEO ATTACHED: Throttle di Toyota a pega y pone auto subi muraya den parking lot na Hot Zone

SHARE

Palm Beach – Diadomingo marduga polis a haya informacion cu un auto a accidenta ariba e parking lot patras di algun luga nocturno na Hot Zone.

 

Na yegada di polis nan a topa cu un Toyota color preto di banda ariba un muraya chikito.

Esaki tawata den careda di 4’or di marduga. Segun e dama cu tawata e chauffeur, ela subi na stuur y start e auto.

Momento cu ela pone den Drive e auto a sali cu velocidad halto bay dal y subi un muraya chikito cu tin.

E dama mes no a resulta herida pero si a pasa den un susto.
Mirando cu ta weekend y hendenan den e area ey a sali pa trip, polis a laga e dama supla pa controla alcohol.

E test a sali negativo, pues e dama no tawata bou influencia di alcohol.
Takelwagen mester a presenta pa ranca e auto.