Home Politics Prome Minister Evelyn Wever Croes: No ta trata di un lista preto,...

Prome Minister Evelyn Wever Croes: No ta trata di un lista preto, pero pa motibo di Aruba su posicion geografico nan ta considera Aruba un riesgo pa labamento di placa

Oranjestad: Prome Minister Evelyn Wever Croes ta reaciona riba e articulo cu sali publica riba arubanative.com. E Fuente di e articulo ta Koninkrijksrelatie.nu, referente un articulo cu a sali publica den un edicion di US International Narcotics Control Strategy Report (INCSR). Den cual lo ta bisa cu Reino ta riba un lista preto pa paisnan cu no ta haciendo suficiente ainda a combati labamento di placa.

Nos Prome Minister a splica cu ela compronde cu Merca ta traha e rapport aki cada aña, cu e NO ta un black list, nan mes ta skibi esey, pero nan ta considera Aruba un riesgo pa labamento di placa pa motibo di nos posicion geografico.

Tambe nan a menciona den e cuadro aki e caso di ex minister di AVP Paul Croes y e caso di Setar cu bou e gobierno anterior no a wordo investiga.
Ta lamentable cu Aruba (y practicamente tur pais den nos region) ta den e lus negativo aki.

Nos Prome Minister ta termina bisando: “Cu nos ta trahando hopi duro pa gana e credibilidad bek cu nos pais tabata tin, y ta obvio cu nos tin trabou pa hasi. Nos no a yega ainda pero nos ta riba bon caminda”.