Home » Parlamentario Shailiny Tromp-Lee (MEP): “Palabra di felicitacion na tur nominado y ganado di premio Excelencia den Deporte 2019” 

Parlamentario Shailiny Tromp-Lee (MEP): “Palabra di felicitacion na tur nominado y ganado di premio Excelencia den Deporte 2019” 

by Admin
0 comment 51 views

 

Awe mi kier a felicita tur nominado y ganado di premio Excelencia den Deporte. Hard work pays off! Despues di hopi sacrificio y cu a demostra disciplina, perseverancia  y hopi sacrificio pa logra mehoracion y conkista logronan personal importante pa bo mes y bo pais, mi ta convenci cu un reconocemento of premiacion manera Excelencia den Deporte ta yena cada un di boso cu hopi orguyo!

 

Hunto cu mi coleganan parlamentario Endy Croes, Edgard Vrolijk y Hendrik Tevreden y Ministernan Evelyn Wever-Croes, Dangui Oduber y Rudy Lampe mi a presencia un anochi scuchando logronan di tur e atletanan cu sigur a yena tur presente cu hopi sentimento di orguyo. 

 

E prome anochi di reconocemento y baloracion den e formato aki a keda organisa 11 aña pasa y diabierna anochi 12 di april 2019 un biaha mas e actividad aki tabata tremendo. Un actividad crea pa Ex Minister di Deporte sr. Ramon Lee y cu a keda demostra cu e tabata algo necesario y importante pa e mundo deportivo aki na Aruba.

 

Un felicitacion na Minister Dangui Oduber, comision organisado y comision Excelencia den Deporte pa percura pa su continuacion y pa e tremendo anochi organisa pa nos deportistanan.

Durante e anochi mi tabatin e honor di haci entrega na e ganador femenino edad 14-17: Elisabeth Timmer (landamento). Elisabeth tin diferente logro y mehoracion personal local y internacional. Durante 2018 Elisabeth a logra bira campeon nacional di Aruba y na Aruba Dolphins Invitational e ta gana e overall high point trophy den su categoria di edad. Sinembargo e logro di mas grandi den 2018 ta e athletic scholarship cu e ta haya for di South Dakota State University na unda Elisabeth lo forma parti di e ekipo di landamento Jackrabbits. Durante 2018 den competencianan local Elisabeth a gana 32 Oro, 17 Plata y 2 Brons. Pa loke ta medayanan conkista internacionalmente esakinan ta 4 medaya di Oro y 1 di Plata.

 

Un palabra di felicitacion sigur ta na su lugar pa Elisabeth Timmer. Sigui cu e bunita Deporte aki cu manera ya a keda demostra no solamente a yuda bo desaroya personalmente y deportivamente pero tambe ta habri portanan pa sigui cu bo enseñansa na nivel avansa. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio