Parlamentario Endy Croes a expresa su preocupacion mas y mas alrespecto e manera di maniobra di esnan encarga cu Lotto pa Deporte. Lotto pa Deporte ta un caos total y investigacion mester bin, pase loke pase. Directiva ta uno impopular kendenan a coopera cu corupcion y fraude den Lotto. Directiva aki awe ta encabeza pa Silvio Janga, un pensionado intimo amigo di Mike Eman. Riba e foto adhunto nos por mira con Silvio Janga kende tabata na Cas di Cultura diahuebs 11 di april anochi, esta un dia prome cu manifestacion “fracasa” di AVP y claramente por mira Mike Eman dunando instruccion na Silvio Janga den compania di Tony Geerman (esun cu bril para patras). Asina Mike Eman ta manipula y ken sa cu e tambe ta ricibi fondonan di Lotto?
Deshonesto y inconfiabel
Silvio Janga ta un persona deshonesto y inconfiabel y a coopera na diferente manera pa hopi fondo di Lotto bay den man di amigonan priva. Na abogadonan amigo di AVP so den aña 2010 y 2011 a bay mas di 1 MIYON florin di placa di nos deportistanan y na investigacion un otro 1.5 MIYON florin. Silvio Janga a coopera pa Arnold Le Grand y Aron Antersijn ricibi miles y miles di florin sacando fondonan di Lotto na un manera inhusto. Companianan IT Pro NV y entre otro Secunet di Aron Antersijn mester wordo investiga profundamente. Benvinda Da Sousa, casa di Desiree Croes di AVP den luna di maart 2019 a entrega su retiro. Ora cu un abogado kende tambe a probecha masha hopi di fondonan di Lotto bula for di e barco, e djacanan cu a keda atras percura pa boso ta bon prepara.
Politiek sushi di Mike Eman
Mike Eman e anochi promer cu manifestacion claramente proba dunando instruccion na Presidente di Raad van Commissarisen di Lotto. Esakinan ta hendenan cu a core cambia statuut di Lotto despues di eleccion, esta 17 di october 2017 despues cu nan a sinta 8 aña caba y a hera manda Lotto bancarota y awor kier persisti pa keda sinta. Tristo ta cu tanto e statuut anterior y e statuut nobo ta ilustra claramente cu un miembro di Bestuur no por sinta mas cu 2 periodo di 4 aña, esta un total di 8 aña. E sinberguensanan aki sinembargo a cambia e Statuut y a cuminsa conta di nobo pa nan por bay 8 aña mas. Tur esaki ta impugna cu ambos statuut. Pueblo huzga pa boso mes e grado di politiek sushi cu Mike Eman himself ta hungando y un grupo di persona sin escrupulo y sin amor pa deporte ta cooperando cu Mike Eman na un manera masha desformal, estilo di HARAGANNAN sin fin.