Home Politics Alan Howell Uncle Louis Store su restauracion ta bira un realidad

Alan Howell Uncle Louis Store su restauracion ta bira un realidad

 

 

Siman pasa tabata un otro dia grandi pa San Nicolas. A keda anuncia oficialmente cu edificio di Uncle Louis Store lo keda restaura, un edificio cu pa hopi tempo tabata merece e atencion y cu awo durante e gobernacion actual finalmente lo wordo restaura, parlamentario di POR, Alan Howell ta indica.

E ta bisa cu e restauracion di Uncle Louis Store na San Nicolas, ta bira un realidad bou e maneho di Monumenten Fonds. Ta trata di un edificio cu a wordo construi na  aña 1951 y cu tin un balor importante pa San Nicolas. Minister Otmar Oduber a haci e anuncio cu tur cos ta cla pa e restauracion cuminsa. Tur e esaki ta den cuadro di build up y duna San Nicolas su face lift bek. “Den Parlamento nos a aproba placa pa e proyecto aki y awe gobierno ta cumpli. Una bes cu e restauracion ta cla, Directie Natuur en Milieu lo wordo ubica eyden, cual ta un contribucion tambe pa desaroyo di pariba di nos isla”, Alan Howell a finalisa bisando.