Home Police VIDEO ATTACHED: Hoben sin rijbewijs ta scapa milagrosamente di accidente serio na...

VIDEO ATTACHED: Hoben sin rijbewijs ta scapa milagrosamente di accidente serio na Tamarijn

Tamarijn – Diasabra merdia polis a bay cu urgencia ariba e caminda di Tamarijn pa Sero Pita, unda un auto lo a ranca un palo di luz y keda total los.

 

Na yegada polisnan a topa cu un hoben na stuur di Nissan Tiida Hatchback, completamente destrui.
Segun testigonan, e hoben aki tawata coriendo cu velocidad hopi hopi halto y por mira con e auto a keda.

Un dama kiermen un poco mas e auto a bin dal contra su auto, y a conta tambe cu ela mira e vehiculo manera bay halto ora ela cuminsa perde control.

Na e sitio e auto a bay para mas leu di unda ela dal inicialmente.

Mama di e hoben a presenta esaki tawata prome cu polis a yega, y kier a tapa pa su yiu bisando polis cu e tawata na stuur.
Polis a hacie algun pregunta pero esakinan no tawata cuadra, e ora ey hendenan cu tawata presenta y a mira tur cos a bisa polis cu e señora no tawata papia berdad. Y cu ta e yiu mes sin rijbewijs tawata coriendo iresponsabel.

Polis a bay cu e yiu warda pa por papia seriamente cune.

E hoben aki a scapa milagrosamente. Takelwagen y Elmar a presenta na e sitio.