Home Politics Prome Minister di Aruba, gradiciendo Sr. Geerman pa e manifesto, via su...

Prome Minister di Aruba, gradiciendo Sr. Geerman pa e manifesto, via su Facebook

Un rato pasa Prome Minister di Aruba a pone un facebook post di locual ela splica Sr. Geerman na momento cu ela entrega nos Prome Minister e manifesto.

Sr. Geerman danki pa e manifesto.
Nos a hereda un situacion hopi dificil, cu no ta nos a crea pero cu nos lo soluciona si. nos a lora manga y cuminsa traha. Nos no a yega ainda pero nos ta riba e bon rumbo.
Pa loke ta e peticion pa eleccion sr. Geerman, laga nos para keto un rato, sr. Eman a goberna nos pais 8 aña largo y a hasi’e hopi malo, despues e tabata esun yama pa forma gobierno, y e no a asumi su responsabilidae. Despues e mester a bai den parlamento pa controla gobierno, tampoco ela carga su responsabilidad.
Pueblo a pidi un cambio y pueblo a haya un cambio. Nos pais mester di stabilidad y eleccion awor aki no ta duna e stabilidad ey. Ban respeta democracia. Mi por bisabo si cu eleccion lo ta dia 24 september 2021. Y si bo ta desea eleccion prome, bo mester ta na Parlamento cu ta e unico organo cu por disolve un gobierno.
Mi ta gradisi bo pa trese e preocupacion di comunidad, nos lo contesta bo carta dentro di un siman.
Mi ta aprecia cu boso ta eherse boso derecho di manifesta na forma civico, y mi ta spera cu boso por bai bek tambe na forma civico. Masha danki.