Home » Ministerio Publico di Aruba y di Colombia ta firma MOU entre e dos paisnan

Ministerio Publico di Aruba y di Colombia ta firma MOU entre e dos paisnan

by Admin
0 comment 69 views

Procurador-general di Aruba Alexander van Dam y Fiscal General di Colombia Nestor Humberto Martinez Neira a firma ayera 11 di april 2019 na Bogota un Memorandum di Overeenstemming (MOU) entre Aruba y Colombia.
Esaki den presencia di representantenan di Embahada di Reino na Bogota.

Ministerio Publico di Aruba ta pone hopi balor na mantene un bon relacion cu autoridadnan Colombiano.
Relaciona cu esey tanto Aruba como Ministerio Publico di Colombia a hala stapnan grandi e ultimo añanan, pa estrecha e lazonan hudicial y di polis entre e dos paisnan.
E firmamento di e MOU entre e paisnan ta un momento importante pa ambos pais.

Fin di aña pasa Procurador-general di Aruba Van Dam a firma un MOU cu e Procurador-general di Colombia Fernando Carillo Flores.
Na Colombia ta diferente cu na Aruba: ey ta e Procuradoria General y Fiscalia General hunto ta responsable pa e tarenana cu aki na Aruba ta cay bao Ministerio publico.

E MOU-nan ta dirigi riba reforza y desaroya e cooperacion entre Ministerio Publico di Aruba y Procuradoria General y Fiscalia General di Colombia den e lucha contra crimen organiza internacional, particularmente contra traficacion di droga, labamento di placa y mensenhandel.
E cooperacion aki ta den forma di entre otro, rechtshulpverzoeknan (asistencia huridico) di ambos banda.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio