Home » Aruba Juniors ta clausura su torneo Himono y Bandera “Nacional” diadomigo awo

Aruba Juniors ta clausura su torneo Himono y Bandera “Nacional” diadomigo awo

by Admin
0 comment 56 views

 

Despues di cinco siman di competencia di softball, diadomingo awo ta clausura e torneo nacional himno y bandera 2019. Nos por corda ainda cu e fin di siman di 18 di maart a wordo hunga e parti internacional cu teamnan di Corsou , Hulanda y Aruba. E torneo internacional a wordo gana pa Surprise den Liga 50 y Aruba Juniors den Liga 60.

Diadomingo cu a pasa den di algun wega cayente a keda dicidi kendenan lo pasa pa e buelta final diadomingo awo. Den Liga 60 Aruba Juniors mester a traha duro pa vence e team di Boomerang cu score di 6 pa 5. Den e di dos wega di dia RC Vets, dirigi pa Rudi Carti, a gana Benjamin Tigers 5 pa 1. Final di Liga 60 lo ta entre Aruba Juniors y RC Vets.

Den Liga 50 Kibaima a vapulea Aruba Juniors 14-1, Astros ta gana Survival 6-5 y den e ultimo wega Kenro e sorprende Surprise 4-2. Cu e resultadonan aki Kibaima, Astros y Kenro a gana nan poule y Survival ta bira e di cuater clasificado door cu nan a sali e miho di dos luga.

Diadomingo awo 14 di april lo hunga e semifinal y finalnan di e campeonato. Pa 9:30 di mainta lo tin e final di Liga 60 entre Aruba Juniors y RC Vets. Esaki lo ta un wega intresante mirando cu Aruba Juniors ta un un ekipo fuerte pero RC Vets a reforsa su team y ta cla pa e bataya. E prome semifinal di Liga 50 lo ta pa 11or mainta y lo bay entre Kenro y Astros. Kenro ta bek den semifinal y lo mester hunga su miho wega contra Astros. Astros ta un team completo cu varios hungador experiencia. E di dos semifinal cual ta programa pa 12:30 lo ta entre Kibaima y Survival. E dos rivalnan di tur tempo lo hunga pa un puesto den final. Despues di e semifinalnan e dos ganadornan lo hunga e final. Esaki ta programa pa cuminsa 2or PM.  

Tur fanatico di softball ta cordialmente invita na Aruba Juniors su “Compleho Deportivo Luis Swaen” diadomingo awo pa presencia y apoya nan teamnan favorito. Manera custumber e bar y cushina lo ta bon surti cu e cerbesnan frieuw frieuw, e snacknan sabroso y bon cuminda cu nunca no ta falta.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio