Home Politics Bibando di un escandalo pa otro: AVP y Mike Eman a hinca...

Bibando di un escandalo pa otro: AVP y Mike Eman a hinca Aruba den un Abismo y un lodo sushi di ladronicia!

Prome escandalo grandi a bin na cla. Paul Croes a duna miles di ontheffing pa cos, pa placa pa AVP, pa whisky, bleki tuna etc. Tur esaki a sali na cla den Corte.

E otro escandalonan ta na caminda pa wordo investiga. Mike Eman cu su supuesto proyecto “BO BARIO” caminda mas di un biyon florin a wordo malgasta for di caha di gobierno. Esaki ta ladronicia den dia cla. Cuanto placa Mike Eman a masacra di caha di gobierno tambe lo sali na cla y e mester paga tur e placa aki bek.

Benny Sevinger su escandalo di tereno y e miyones na placanan cu e la ricibi na cash. Cahanan di documentonan den e dianan venidero lo aparece cu pruebanan di sumanan cu Benny a masacra di nos pais Aruba. Su escandalo di negoshi cu Leoncita no tin fin y e subrinonan di Tanchi Leoncita tambe lo wordo investiga.

Mike de Meza su investigacion tambe ta bay saca afo cuanto placa el a masacra di nos pais. Cu su Hedging di WEB el a mata nos pueblo cu tarifanan di awa y coriente astronomico.

Mike Eman a dal e pensionadonan un puñal den lomba, Mike a hisa edad di pensioen pa 65 aña pa asina e por a wanjap 65 miyon florin for di SVB dunando un exoneracion y p’asina nan por a sigui cu nan fiesta. Mike a hisa prima di pensioen pa 15.6 %, a hisa prima di AZV te 11%, a hisa BBO despues cu a gaña cu e lo bah’e, a introduci prima di BAZV cu 1% y despues a subi’e cu 2%. Mike a permiti Benny inverti placa cu tabata destina pa construccion di un scol HAVO/VWO pa pueblo di Noord den un proyecto di tram cu no tin niun sentido y a mata nos Caya Betico Croes.

Mike Eman hunto cu Hoeverstz a secuestra e caha di Utilities, caminda nan a distribi placa cu nos pober pueblo ta paga tur luna na awa y coriente.

Dowers cu su escandalonan tambe a contribui y haci cu nos pais su criminalidad a subi durante 8 aña.

AVP a hinca nos pueblo den un lodo sushi. A laga e finansas di nos pais na werki.

Y awe nan tin curashi di manifesta pa un crisisheffing cu nan a ocasiona. Nos ta spera cu  e investigacionnan aki wordo concretisa y pa Huez pone tur e vagamundonan ey paga loke nan a horta di nos pais. Awe nan ta sconde pa e realidad di ladronicia.