Home Entertainment Un invitacion special pa un concierto di Angela Croes diasabra 13...

Un invitacion special pa un concierto di Angela Croes diasabra 13 riba barco di Freewinds

 

 

ORANJESTAD, Aruba –  Nos studiantenan di Universidad di Aruba tin como proyecto pa organisa un evento pa recauda fondo pa un organisacion “non-profit”. Servicio na comunidad ta un parti integral di nos programa. y asina kier invita e pueblo di Aruba pa asisti na e concierto di Angela Croes dia 13 di april cuminsando pa 7or di anochi cu cooperacion di Freewinds.

E team cu ta consisti di Rikkerd Maes, Robert Wester, Karina Wadhwani y Justin Mohamed y  a scohe pa yuda recauda fondo pa Telefon pa Hubentud pa e proyecto the Best Dad Ever. Nan a scohe e organisacion aki pasobra pa nos e mucha nan ta nos futuro. Nos kier duna bek na nos comunidad na un manera cu ta sostenibel.

E ticket di entrada pa e evento tin un costo di 35 florin y ta inclui un anochi ameno cu musica di Angela Croes, bebida plus un snackbox y un rifa cu por wordo cumpra riba e Freewinds. E concierto ta cuminsa pa 7:30 di anochi.

Nos como studiante ta haya e iniciativa hopi importante y ta haya e experiencia di organisa un evento riba scala, pero tambe nos ta haya e oportunidad di duna algo na e comunidad. Nos a scohe telefon pa hubentud pa nos por yuda nos muchanan, nos futuro. Tambe nos ta haya e proyecto Best Dad Ever un proyecto hopi necesario y importante pa nos mucha y tata nan.

Ta gradici tur sponsor pa nan aporte: Eco DMS, Aruba Aloe, Hilton Aruba, De Palm Tours, George’s Cycle Rental Aruba

Nos kier a invita henter pueblo di Aruba pa bin join nos pa un anochi ameno dia 13 di april pa 7:00pm tin ticket disponibel na e number 560 9520 of email na hubentud131@gmail.com

Tickets por wordo delivered y tambe tin oportunidad di cumpra tickets e dia di e evento na porta.

Pa mas informacion por bishita nos riba facebook: Telefon pa Hubentud of Universidad di Aruba FHTMS. Tambe por wak nos video promocional